Visa Card ရဲ့ မြန်မာပြည်ဆိုင်ရာရုံး ပထမဆုံး စတင်ဖွင့်လှစ်



ကမ္ဘာ့ထိပ်တန်း ငွေပေးချေရေးဝန်ဆောင်မှုလုပ်ငန်းဖြစ်တဲ့ Visa က မြန်မာနိုင်ငံမှာ ပထမဆုံး ရုံးခွဲဖွင့်လှစ်တာနဲ့ Visa Myanmar ရဲ့ Country Manager ခန့်အပ်တဲ့ အခမ်းအနားကို ဧပြီ ၁ရက်နေ့က ရန်ကုန်မြို့ Park Royal ဟိုတယ်မှာ သတင်းစာရှင်းလင်းပွဲလုပ် ပြောဆိုလိုက်ပါတယ်။
ငွေသားအဓိကအသုံးပြု လုပ်ဆောင်နေတဲ့ မြန်မာနိုင်ငံမှာ ကတ်ပြားအစားထိုး သုံးစွဲဖို့ အချိန်တော်တော်လေး ယူရမှာဖြစ်ပြီး မြန်မာနိုင်ငံမှာလည်း Visa Cardကိုင်သူတွေ ငွေသားကိုကိုင်စရာမလိုဘဲ ငွေပေးချေနိုင်တော့မှာကြောင့် ဘေးကင်းမှု၊ တစ်ကမ္ဘာလုံးကို ငွေပေးချေမှုတွေလုပ်နိုင်မှာဖြစ်တယ်လို့ မြန်မာပြည်ရဲ့ Visa Country Manager က ပြောပါတယ်။
Visa Card ဟာ ဘယ်နေရာမဆို လူတိုင်းသုံးစွဲနိုင်ဖို့ဆိုတာကို ဦးတည်ပြီး အချိန်ယူဆောင်ရွက်ရမှာဖြစ်သလို မြန်မာပြည် ဆက်သွယ်ရေးဆိုင်ရာ အခြေခံအဆောက်အအုံတွေကို မှီခိုပြီးလုပ်ရာမှာ ဒီလိုကိစ္စမျိုးတွေက သူတို့ထိန်းချုပ်မှုရဲ့ အပြင်ဖက်မှာရှိနေလို့ အခက်အခဲတွေ ရှိနေပေမယ့် တဖြည်းဖြည်းနဲ့တော့ တိုးတက်လာမယ်လို့ ယုံကြည်တယ်လို့ ပြောပါတယ်။
Visa Card ဟာ မြန်မာပြည်ကို ၂ဝ၁၂မှာ စတင်ဝင်ရောက်ခဲ့ပြီး ငွေပေးချေရေးဝန်ဆောင်မှုဈေးကွက်ရဲ့ အလားအလာတွေကိုမြင်ခဲ့သလို အီလက်ထရောနစ်စနစ်အခြေခံ ငွေထုတ်ယူ၊ ငွေပေးသွင်းတဲ့ ပမာဏနဲ့ အသုံးပြုတဲ့ ကတ်အရေအတွက် ၃ဆမြင့်တက်ခဲ့တာကြောင့် နိုင်ငံတကာဈေးကွက်ထဲမှာ ကာလတိုအတွင်း အမြင့်မားဆုံး တိုးတက်မှုဖြစ်တယ်လို့ ဆိုပါတယ်။
မြန်မာနိုင်ငံမှာ Visa Card ကိုလက်ခံတဲ့ လက်လီဆိုင်ပေါင်း ၁၈ဝဝကျော်၊ATM စက်ပေါင်း ၁၁၅ဝ ရှိနေပြီး နိုင်ငံခြားသားတွေ Visa Card ကနေ ငွေပေးချေတဲ့ပမာဏက အမေရိကန်ဒေါ်လာ သန်း ၁၆ဝ ကျော်ရှိတယ်လို့ ဆိုပါတယ်။ ပြည်တွင်းက လိုင်စင်ရဘဏ် ၈ခုထဲက ၅ခုမှာ Visa ကတ်ရဲ့ နိုင်ငံတကာခရီးသွားငွေပေးချေမှု ဝန်ဆောင်မှုကို စတင်နေပြီလို့ ဆိုပါတယ်။
အဆင်ပြေရင်အောက်ပါကြော်ငြာကိုတစ်ချက်ကလစ်ခဲ့ပါ
++++++++++++++++++++++++++++++++++++++++++++++++++++ ++++++++++++++++++++++++++++++++++++++++++++++++++++ အဆင်ပြေပါစေ ကျေးဇူးတင်ပါတယ်